Stafræn ráðgjöf

Netöryggi er ein af mikilvægustu áskorunum stjórnenda fyrirtækja í dag. Tölvuárásir verða sífellt algengari samhliða því að vistun, meðhöndlun og úrvinnsla upplýsinga á stafrænu formi fer stigvaxandi með hverju ári. Viðbúnaður fyrirtækja gagnvart slíkum árásum hefur aldrei verið jafn mikilvægur.

Samstarf við KPMG á Norðurlöndum

KPMG á Íslandi vinnur náið með KPMG á Norðurlöndunum og býður fjölbreytta þjónustu á sviði netöryggismála. Skrifstofa KPMG í Finnlandi hefur sérhæft sig í netöryggismálum og hefur á að skipa stóru teymi sérfræðinga á sviði netöryggismála sem þekkja vel starfsumhverfi og hvernig eigi að mæta þörfum viðskiptavina.

Við getum aðstoðað með:

• Greiningu á stöðu netöryggismála
• Veikleika- og innbrotsprófanir á netkerfum, vefsíðum og snjall forritum.
• Veikleikagreiningar og veikleikastjórnun.
• Viðbragðsáætlun.
• Stefnumótun netöryggismála og umbætur.
• Persónuvernd og gagnaöryggi.
• Úttekt og öryggisvottanir.

Við aðstoðum fyrirtæki og stofnanir við að ná auknum árangri með því að nýta betur fjárfestingar sínar í upplýsingatækni

Sérfræðingar KPMG greina núverandi stöðu (e. As-Is analysis) og koma með tillögur að framtíðarstöðu (e. To-Be analysis) og aðgerðaáætlun. Fyrirtæki og stofnanir geta fengið sérfræðinga KPMG á vinnustaðinn til að þjálfa starfsfólk í lausnum Microsoft 365.

Stafrænt vinnuumhverfi getur verið til staðar án þess að starfsfólk nái ekki að fullnýta sér alla þá tækni sem er við þeirra fingurgóma. Því upplýsingatækni er eitt, hvernig það er nýtt er allt annað.

Samhliða breytingum á samfélögum og nýrri tækni er vinnuumhverfi sífellt að taka breytingum. Starfsfólk er í ríkara mæli að sækjast eftir tilgangi og ánægju en á sama tíma þurfa vinnuveitendur að ná fram því besta úr hugvitssemi þeirra.

Nútíma vinnuumhverfi gerir kröfu á að starfsfólk geti unnið hvar sem er og hvenær sem er og árangur ræðst af því hvernig okkur gengur að vinna saman.

Stjórnendur fyrirtækja eru í auknu mæli að gera sér grein fyrir mikilvægi góðrar verkefnastjórnunar á sviði upplýsingatæknimála. Fagleg vinnubrögð, reynsla og þekking geta haft lykiláhrif á niðurstöðu verkefna með tímasparnaði og kostnaðarhagræðingu. Sem óháður aðili getum við hjá KPMG veitt aðstoð við verkefnastjórnun sem sérsniðin er að þörfum hvers og eins, hvort sem það er í gegnum allan líftíma verkefnisins eða einstaka þætti þess.

Reynsla og þekking á verkefnastjórnun

Verkefnastjórar KPMG hafa leikið lykilhlutverk í verkefnastjórnun og innleiðingu á stærri upplýsingatækniverkefnum. Við höfum reynslu og þekkingu í því að stýra fjölbreyttum verkefnum, til dæmis:

• Hefðbundnum upplýsingatækniverkefnum
• Agile verkefnastjórn á þróunarverkefnum
• Vöruþróunarverkefnum
• Sértækum upplýsingatækniverkefnum  

KPMG hefur enn fremur aðstoðað við innleiðingu  og uppbyggingu á verkefnastofum og  veitir þjónustu við óháð eftirlit og úttekt á verkefnum. Þjónusta KPMG hentar vel fyrir aðila sem standa frammi fyrir því að velja ný upplýsingakerfi, þróa eða innleiða ný kerfi eða ef til standa umfangsmiklar breytingar er tengjast upplýsingatækni.

Ákvarðanir um innleiðingu eða uppfærslu kerfa eru flóknar og breytingar oft kostnaðarsamar. Hjá KPMG veitum við óháða ráðgjöf og styðjum viðskiptavini við að taka upplýstar ákvarðanir sem byggja á raunverulegum þörfum og skýrum markmiðum.

Við leggjum áherslu á að horfa á þarfagreiningu og val á lausnum út frá heildarsýn rekstrarins, ekki eingöngu tæknilegum forsendum. Markmiðið er að tryggja að fjárfesting í nýjum kerfum styðji við stefnu, bæti rekstur og skapi mælanleg verðmæti.

Sérfræðingar KPMG hafa víðtæka reynslu af þarfagreiningu og vali á fjölbreyttum lausnum, meðal annars á sviði viðskipta- og fjárhagskerfa, verkefnastjórnunar, skjalastjórnunar, framleiðslu og þjónustustjórnunar.

Við styðjum viðskiptavini í gegnum allt ferlið:

• Þarfagreiningu og val á lausn og þjónustuaðila
• Innleiðingu eða uppfærslu með markvissri verkefnastýringu
• Yfirferð og hagræðingu á nýtingu til að hámarka ávinning af fjárfestingu

Í innleiðingarferli leggjum við sérstaka áherslu á samvinnu við lykilhagsmunaaðila, agile verkefnastjórnun og markvissa breytingastjórnun. Við tryggjum einnig að notendur fái viðeigandi þjálfun og að framgangur sé metinn með skýrum árangursmælikvörðum.

Upplýsingatækni er stór þáttur í rekstri fyrirtækja og stofnana og snertir beint eða óbeint flesta liði í daglegum rekstri. Í umhverfi þar sem stjórnendur takast á við stöðugar áskoranir um að bæta þjónustu og auka samkeppnishæfni er mikilvægt að skipulag upplýsingatæknimála sé skilvirkt og styðji við stefnu og framtíðarsýn.

Alþjóðleg aðferðarfræði

KPMG styðst við alþjóðlega aðferðafræði, KPMG Connected Enterprise, þegar kemur að stafrænni umbreytingu og innleiðingu á nauðsynlegum breytingum í stafrænni vegferð fyrirtækja og stofnanna. Connected Enterprise byggir á þjónustumiðaðri nálgun sem aðlöguð er að áherslum í viðkomandi atvinnugrein. Aðferðarfræðin hjálpar fyrirtækjum og stofnunum að:

• Mæta væntingum viðskiptavina, starfsfólks og hagsmunaaðila
• Skapa aukið virði
• Knýja fram sjálfbæran vöxt.

Við leggjum áherslu á að draga að rétta fólkið með rétta þekkingu ásamt því að nýta, tækni og lausnir sem  styðja við stafræna vegferð og áherslur í rekstri allra okkar viðskiptavina.  Í nálgun KPMG eru dregnar fram áherslur og sérstaða í þeim fjölmörgu geirum sem viðskiptavinir okkar starfa í, hvort sem það er opinber þjónusta, sveitarfélög, fjármálaþjónusta eða heilbrigðisþjónusta. Með nauðsynlega þekkingu á rekstrarumhverfi, þekkta aðferðafræði og reynslumikið starfsfólk, vinnum við náið með viðskiptavinum okkar í að stafvæða innviði og innleiða árangursríkar breytingar.

KPMG getur leitt þig í gegnum hvert skref í þinni stafrænu umbreytingu, allt frá stefnu til framkvæmdar.  Við aðstoðum við þína stafræna vegferð, þar sem við komum með að borðinu okkar þekkingu og innsæi, sannreynda aðferðafræði og stafrænar lausnir.

tafrænar lausnir leysa viðfangsefni eins og gæðastjórnun, áhættustjórnun, samningastjórnun, atvikastjórnun og sjálfbærnistjórnun ásamt öðrum sértækum ferlum fyrirtækja.

Með því að sameina þessi meginviðfangsefni í heildstæða lausn, bætum við yfirsýn stjórnenda, eftirfylgni og úrvinnslu umbóta og almennt betri stjórnun á innviðaverkefnum og rekstri.