Skip to main content

      Óhætt er að segja að spjallmenni líkt og ChatGPT og Microsoft 365 Copilot hafi komið inn af miklum krafti. Flestir  á vinnumarkaði hafa tekið þátt í einhverjum umræðum um hvernig spjallmenni komi til með að móta starf þeirra, prófað sig áfram með eða hlustað á aðra ræða notkun á þeim.

      Gervigreindina má nýta til að aðstoða sig í daglegum störfum, en til þess að fá sem mest út úr notkuninni eru ýmis atriði sem fólk ætti að hafa í huga. Neðangreind umfjöllun er ætluð til þess að varpa ljósi á nokkur þeirra atriða með það að markmiði að gera notkun á gervigreind og spjallmennum skilvirkari.

      Notaðu skipanahönnun

      • C – Character

        Skipaðu spjallmenninu að leika hlutverk sérfræðings, það kemur á óvart hvað slíkt getur aukið gæði svaranna, t.d. hvað varðar orðaval spjallmennisins.

      • R – Request for information

        Veittu spjallmenninu nauðsynlegar upplýsingar sem það á að hafa í huga þegar það mótar svar. Hér borgar sig nákvæmni sig.

      • E – Examples

        Ef þú átt dæmi um sambærilegt svar eða afurð og það sem þú vilt sjá koma frá spjallmenninu er gott að veita því aðgang að dæminu.

      • A – Adjustments

        Ef fyrra svar frá spjallmenninu var lélegt getur þú fínpússað skipun þína með því að taka tillit til þess sem illa fór í fyrra svari. Hafa skal þó í huga að betra er að segja spjallmönnum hvað skal gera frekar en hvað skal ekki gera.

      • T – Type of output

        Hér lætur þú spjallmennið vita hver afurðin á að vera t.d. „textinn er ætlaður sem lögfræðileg álitsgerð“.

      • E – Extras

        Hér getur þú t.d. leikið þér með því að láta spjallmennið fara yfir eigið svar eða útskýra fyrir þér uppsetningu svarsins sem það hefur látið í té. 

      Skiptu verkefninu upp

      Gæði þeirra svara sem koma frá spjallmönnum geta minnkað eftir stærð þeirra verkefna sem þau fá. Í stað þess að skipa spjallmenninu að gera drög að samningi í heild sinni, kallaðu þá frekar eftir drögum að ákveðnum samningskafla eða samningsákvæði.

      Hafðu í huga trúnað og gagnaöryggi

      Gættu að trúnaði þeirra upplýsinga sem þú gefur spjallmenninu. Sum spjallmenni nota þau gögn eða þær upplýsingar sem þau fá til þess að þjálfa sig frekar en slíkt getur verið varasamt. Ef þú ert að nota almenna lausn er mikilvægt að hreinsa allar persónugreinanlegar upplýsingar og/eða samhengi þess sem gefið er upp. 

      Gagnrýnin hugsun hefur aldrei verið mikilvægari

      Tæknin er ófullkomin og misjöfn milli spjallmenna. Þá getur sannfæringamáttur spjallmenna verið mikill án þess að nokkrar heimildir skjóti stoðum undir hugsanlegar fullyrðingar þeirra. Því þarf ávallt að staðfesta þær fullyrðingar sem spjallmennin láta frá sér og kalla eftir heimildum ef hægt er.

      Nánari upplýsingar

      Hjálmur Hjálmsson
      Hjálmur Hjálmsson

      Senior Manager

      KPMG á Íslandi