Markaðsálag á íslenska hlutabréfamarkaðinum – seinni hluti árs 2025
KPMG á Íslandi fylgist náið með þróun markaðsálags og helstu drifkröftum á íslenska markaðnum. Í nýjustu skýrslu okkar leggjum við mat á markaðsálag fyrir seinni helming ársins 2025, byggt á gögnum frá 1. janúar til 30. júní.
Á fyrri hluta ársins mátti sjá nokkrar áhugaverðar breytingar:
- Ávöxtunarkrafa ríkisskuldabréfsins RIKB 42 0217 hækkaði úr 6,45% í 6,79%.
- Stýrivextir lækkuðu úr 8,50% í 7,50%.
Aukin óvissa einkenndi hlutabréfamarkaðinn á árinu, sem endurspeglast í meiri sveiflum og 13,6% lækkun OMXIPI vísitölunnar. Þessi þróun tengist aðallega nýjum tollum sem Bandaríkin settu á innflutning erlendra vara.
Samkvæmt matsaðferð KPMG hefur markaðsálagið (MRP) hækkað þar sem ávöxtun markaðarins (Rm) hefur hækkað umfram hækkun á ríkisskuldabréfum (rf). Áhættuálagið er nú metið 5,75%, sem er 25 punkta hækkun frá áður ráðlögðu 5,50% fyrir fyrri hluta ársins.
Athugið: Mat okkar byggir á upplýsingum sem lágu fyrir 30. júní 2025. Þróun markaða eftir þann tíma er ekki tekin með í útreikningum.
