KPMG er alþjóðlegt fyrirtæki sem leggur áherslu á að veita viðskiptavinum sínum framúrskarandi þjónustu með sjálfbærni að leiðarljósi og býður upp á frábær tækifæri til starfsþróunar í sveigjanlegu og fjölbreyttu vinnuumhverfi. Hjá KPMG á Íslandi starfa um 300 einstaklingar á 16 skrifstofum um land allt með fjölbreytta menntun og reynslu sem þjónusta viðskiptavini í einka- og opinbera geiranum af öllum stærðum og gerðum.
Sérfræðingur í endurskoðun tölvukerfa
Við leitum að öflugum einstaklingum sem hafa yfirgripsmikla þekkingu á úttektum á tölvukerfum í tengslum við endurskoðun.
Dæmi um verkefni og ábyrgð:
- Framkvæmd úttekta á sviði upplýsingaöryggis.
- Úrvinnsla, greining og framsetning gagna.
- Ráðgjöf vegna net- og upplýsingaöryggis.
- Utanumhald og skipulag verkefna.
Hæfniskröfur:
- Menntun á sviði tölvunarfræði, kerfisfræði og/eða viðskiptafræði er kostur.
- Þekking á ISO 27001 og úttektum er kostur en ekki skilyrði.
- Reynsla af úttektum á sviði net- og upplýsingaöryggis er kostur.
- Þekking á helstu viðskiptakerfum og uppbyggingu upplýsingakerfa.
- CISA, CRISC, CISM gráða eða sambærileg þekking er kostur.
- Sjálfstæð og fagleg vinnubrögð.
Að vinna hjá KPMG
Okkar markmið er að vera eftirsóknarverður og framúrskarandi vinnustaður fyrir fjölbreyttan hóp af fólki. Við leggjum því mikla áherslu á að bjóða upp á heilbrigt og hvetjandi starfsumhverfi þar sem starfsfólk hefur tækifæri til að vaxa og dafna í starfi. Við náum árangri saman með því að hafa traust, sveigjanleika og góð samskipti að leiðarljósi á vinnustaðnum.
Nokkur dæmi um kosti þess að vinna hjá KPMG:
- Fjölbreytt verkefni og tækifæri til að hafa jákvæð áhrif á viðskiptavini og samfélagið.
- Frábær tækifæri til að læra af leiðandi sérfræðingum og þróast í starfi.
- Fyrsta flokks mötuneyti í Borgartúni með fjölbreyttu og hollu fæði.
- Heilsueflandi vinnustaður, t.d. er bootcamp í boði tvisvar í viku í Borgartúni, hlaupaklúbbur, fjallgönguklúbbur, golfklúbbur, vikulegur fótbolti og fleira.
- Aðgangur að heilsustyrk, samgöngustyrk og styrk fyrir tímum hjá sálfræðingi.
- Sveigjanleiki til að vinna frá mismunandi skrifstofum og að heiman þegar við á.
- Einn launaður dagur á ári til sjálfboðavinnu.
- Og margt fleira.
Umsóknarfrestur er til og með 15. janúar 2023
Umsóknir ásamt ferilskrá og kynningarbréfi óskast fylltar út á heimasíðu KPMG (sækja um hér að neðan). Nánari upplýsingar veitir Erik Christianson mannauðsstjóri á echristianson@kpmg.is.