Sameinuð og öflug lausn fyrir ábendingar um lögbrot og ámælisverða háttsemi

Vitinn er sameinuð lausn KPMG á Íslandi og Hagvangs fyrir örugga og faglega meðhöndlun á ábendingum um lögbrot og ámælisverða háttsemi. Lausnin byggir á styrkleikum Vitans frá KPMG og Siðferðisgáttar Hagvangs og uppfyllir allar kröfur laga um vernd uppljóstrara.

Öruggt ferli fyrir slíkar tilkynningar getur dregið úr líkum á misferli, sparað fjármagn og minnkað líkur á neikvæðri umfjöllun sem skaðað getur ímynd fyrirtækisins. Mikilvægt er að starfsfólk þori að láta vita af misferli innan síns fyrirtækis eða stofnunar og geti gert það með einföldum og öruggum hætti.

flag

Öruggt ferli og fagleg úrvinnsla

Siðferðisgáttin hefur lengi verið vettvangur þar sem starfsfólk getur komið ábendingum á framfæri til óháðs þriðja aðila og Vitinn frá KPMG er stafræn lausn sem tryggir öruggt, skilgreint og rekjanlegt ferli fyrir tilkynningar um möguleg lögbrot eða aðra ámælisverða háttsemi.

Í sameiningu bjóða lausnirnar upp á öruggan, stafrænan og notendavænan vettvang sem stenst strangar kröfur um persónuvernd og faglega meðhöndlun mála.

settings

Frá móttöku til úrlausnar

Sérfræðingar KPMG annast móttöku, greiningu og flokkun tilkynninga eftir eðli þeirra hverju sinni. Viðskiptavinir fá skýrar og reglulegar skýrslur um þær ábendingar sem berast og geta brugðist við með markvissum hætti. Eftir þörfum er boðið upp á sérfræðiaðstoð KPMG við úrlausn mála.

Að auki hafa viðskiptavinir Vitans aðgang að sérfræðingum Hagvangs í málum sem tengjast mannauðsmálum, sem tryggir heildstæða og faglega nálgun við meðferð viðkvæmra mála.

gavel

Öll fyrirtæki og stofnanir með 50 starfsmenn eða fleiri bera lagaskyldu samkvæmt lögum um vernd uppljóstrara.

Vitinn styður við að uppfylla þær skyldur með öruggu og rekjanlegu ferli, skýru verklagi og faglegri eftirfylgni sem tryggir að ábendingar séu teknar til meðferðar í samræmi við gildandi lög og bestu starfsvenjur.

Lög um verndun uppljóstrara

Vitinn er öflugur vettvangur fyrir öruggar tilkynningar og faglega meðhöndlun mála. Með samstarfinu við Hagvang tryggjum að viðskiptavinir fái aðgang að hæfustu sérfræðingum landsins.

Eva M. Kristjánsdóttir

ekristjansdottir@kpmg.is

Hvernig virkar Vitinn?

Vitinn er stafræn lausn sem hægt er að gera aðgengilega á innri og ytri vefsvæðum fyrirtækja og stenst allar kröfur um persónuvernd (GDPR). Lausnin er aðgengileg allan sólarhringinn og hægt er að aðlaga útlit að þörfum hvers og eins.

Þjónusta KPMG með Vitanum

Sérfræðingar okkar taka við ábendingum, rannsaka hvert tilvik og tryggja úrlausn í samráði við viðskiptavin. Alþjóðlegt teymi sérfræðinga KPMG getur aðstoðað ef þörf krefur.

Ferlið

Sérfræðingur KPMG skráir að tilkynning hafi borist og staðfesting á móttöku er send til tilkynnanda innan sjö daga frá skráningu hennar. KPMG skoðar og metur tilkynningu og sendir svo endanlegt mat til viðskiptavinar/fyrirtækis. KPMG heldur tilkynnanda upplýstum um gang ferlisins, kjósi hann þess. Viðskiptavinur/fyrirtæki fá sinn eigin hlekk og geta fylgst stöðu mála í lifandi mælaborði.

Greitt er mánaðarlega fyrir lausnina og þjónustu sérfræðinga KPMG. Kostnaður fer eftir umfangi og fjölda notenda.