Copilot vinnur með starfsfólki

Með Microsoft 365 Copilot geta fyrirtæki og opinberir aðilar náð skjótum og mælanlegum árangri í daglegum störfum. Copilot nýtir gervigreind til að vinna með gögn og upplýsingar í núverandi kerfum og krefst ekki hefðbundinnar innleiðingar. Lykillinn að árangri liggur í réttri notkun og markvissri þjálfun.

Microsoft 365 Copilot er hannað til að auka framleiðni og styðja við skilvirkara vinnulag starfsfólks. Copilot er innbyggt í Microsoft 365 svítuna og er aðgengilegt beint í þeim forritum sem starfsfólk notar daglega, svo sem Word, Excel, PowerPoint, Outlook og Teams og nýtist beint í daglegu starfi.

Copilot tekur við skipunum notenda innan hvers forrits, til dæmis við að semja tölvupósta, vinna með gögn eða búa til kynningar. Lausnin leggur fram tillögur, dregur saman upplýsingar og sjálfvirknivæðir endurtekin verkefni sem sparar tíma og eykur gæði vinnu.

Auk þess er hægt að búa til snjalla aðstoðarmenn (agents) sem sinna afmörkuðum verkefnum eða ferlum. Slíkir aðstoðarmenn eru stilltir til að vinna með tiltekin gögn, verklag eða reglur og geta til dæmis svarað endurteknum fyrirspurnum, stutt við ákveðin teymi eða sjálfvirknivætt sérhæfð vinnuferli. Þannig nýtist gervigreindin markvisst þar sem hún skapar mest virði.

Lausnin starfar innan öruggs umhverfis Microsoft 365 og tryggir að gögn séu vernduð í samræmi við ströngar kröfur um öryggi, samræmi og persónuvernd.

Copilot hjálpar starfsfólki að verja minni tíma í endurtekin verkefni og meiri tíma í það sem skapar raunverulegt virði.

5 leiðir til að nýta Copilot í dag

Fundir og aðgerðir

Copilot dregur saman helstu atriði, verkefni og næstu skref úr fundum og hjálpar teymum að fylgja ákvörðunum eftir.
Gagnagreining og betri innsýn

Greindu gögn, finndu mynstur og búðu til myndrænar framsetningar án þess að eyða tíma í flóknar formúlur.
Gerð kynninga

Umbreyttu skjölum, glósum eða skýrslum í faglegar kynningar með skýrri uppbyggingu og lykilskilaboðum.
Textagerð

Drög að tölvupóstum, vefefni, færslum á samfélagsmiðla og öðrum texta verða til á styttri tíma án þess að fórna gæðum.
Sjálfvirkir aðstoðarmenn

Búðu til sérsniðna aðstoðarmenn sem svara spurningum, sækja upplýsingar og styðja við dagleg verkefni starfsfólks.

Við aðstoðum þig við að innleiða Copilot

Við lítum á tækni sem síbreytilega og leggjum því áherslu á sveigjanleika í allri nálgun. Lausnirnar geta falið í sér allt frá sérhönnuðum kerfum og gagnagáttum til sjálfvirkra spjallmenna og samþættingar við núverandi kerfi.

Við vinnum með fyrirtækjum og stofnunum að markvissri innleiðingu Copilot í rekstur með það að markmiði að:

Auka skilvirkni og framleiðni
Bæta gæði þjónustu
Skapa ný tækifæri með gervigreind

Þjónustan byggir á fræðslu, þjálfun og hagnýtri eftirfylgni sem tekur mið af raunverulegum áskorunum hvers viðskiptavinar.

Hér til hliðar sérðu skrefin í aðferðarfræði okkar til að ná sem bestum árangri við undirbúning og innleiðingu Copilot.

Stöðumat

Mat á núverandi notkun gervigreindar og vinnulag á vinnustaðnum til að greina tækifæri til umbóta.
Greining tækifæra

Kortlagning raunhæfra notkunartilvika þar sem Copilot getur skapað virði.
Þjálfun og færnisuppbygging

Þjálfun starfsfólks í notkun á Copilot og uppbygging sérþekkingar.
Nýsköpun og samþætting

Stuðningur við þróun sérsniðinna lausna og samþættingar við önnur kerfi, s.s. SAP og ServiceNow.
Mælingar og eftirfylgni

Árangursmælingar til að tryggja sýnileg áhrif og stuðning við gagnadrifna ákvarðanatöku.

Dæmi um árangur

Aðferðafræðin hefur sannað gildi sitt hjá fjölda fyrirtækja í Danmörku, þar á meðal KPMG. Fyrirtæki sem nálgast innleiðingu gervigreindar með þessum hætti upplifa gjarnan skilvirkari rekstur og aukið virði í þjónustu við viðskiptavini.

Samstarf KPMG og Microsoft á alþjóðavísu

KPMG og Microsoft hafa byggt upp öflugt samstarf sem sameinar sérfræðiþekkingu KPMG í ráðgjöf og umbreytingum við tækninýjungar Microsoft. Samstarfið gerir KPMG kleift að veita viðskiptavinum sínum háþróaðar stafrænar lausnir sem styðja við umbreytingu, nýsköpun og betri árangur í rekstri.

Með því að nýta tæknilausnir Microsoft, svo sem Azure og Copilot, styður KPMG fyrirtæki, stofnanir og sveitarfélög við að auka skilvirkni, efla öryggi og takast á við kröfur síbreytilegs viðskiptaumhverfis.

KPMG er meðal stærstu samstarfsaðila Microsoft á heimsvísu og hlaut viðurkenninguna Digital Transformation Partner of the Year árið 2021 og Global Defence and Intelligence Partner of the Year árið 2023.

Saman veita KPMG og Microsoft sérsniðna ráðgjöf og stafrænar lausnir fyrir ólíkar atvinnugreinar. Árið 2023 var samstarfið enn frekar útvíkkað með aukinni áherslu á gervigreind til að leysa fjölbreytt rekstrartengd viðfangsefni hjá fyrirtækjum, sveitarfélögum og opinberum stofnunum.