Бұл есеп ел экономикасындағы шағын және орта бизнестің рөлін, оның қазіргі жағдайын және өсуіне кедергі келтіретін негізгі факторларды жан-жақты талдайды. ШОБ Қазақстан ЖІӨ-нің шамамен 40%-ын қалыптастырып, жұмыс істейтін халықтың әрбір екіншісін жұмыспен қамтып отыр. Соған қарамастан, сектор еңбек өнімділігінің төмендігі, қаржыландыруға қолжетімділіктің шектеулілігі, кадр тапшылығы, реттеуші ортадағы белгісіздік және өңірлер бойынша цифрлық дамудың біркелкі болмауы сияқты жүйелі мәселелерге тап болып отыр.
Есепте ШОБ-тың одан әрі дамуы цифрландырумен, банктік емес сервистердің кеңеюімен және мемлекеттік қызметтерді, банктік өнімдер мен бизнес-сервистерді біріктіретін «бір терезе» қағидатына негізделген интеграцияланған экожүйелерге көшумен тығыз байланысты екені атап өтіледі. Сонымен қатар, бұл есеп мемлекет, қаржы институттары және корпоративтік сектор үшін практикалық бағдар ретінде қызмет етеді.
