KPMG á Íslandi, sem hefur starfað frá árinu 1975, leggur ríka áherslu á jákvæð áhrif á samfélagið og sjálfbærni í starfsemi sinni. Félagið leggur sitt af mörkum til að skapa virði fyrir viðskiptavini og samfélagið í heild, í samræmi við alþjóðlega stefnu félagsins um ábyrgð og hagsæld.
Við hjá KPMG höfum unnið að því að greina skattspor félagsins síðastliðin ár. Í greiningunni er að finna yfirlit yfir alla greidda skatta félagsins og eru tölurnar í milljónum króna.
Framkvæmdastjóri er ábyrgðaraðili sjálfbærni hjá KPMG. Hlutverk hans er að hafa yfirsýn og eftirlit með sjálfbærnimálum ásamt því að samþykkja og bera ábyrgð á stefnu félagsins.
Framkvæmdastjórn ber ábyrgð á innleiðingu þeirra mála sem heyra undir hvert starfssvið ásamt því að hafa yfirsýn yfir markmið og stefnu á hverju sviði.
Árið 2024 var önnur tvíátta mikilvægisgreining KPMG framkvæmd. Unnið var út frá aðferðafræði KPMG Global við greiningu, áhrifastefna KPMG Global (e. Impact plan) skoðuð og niðurstöður mikilvægisgreininga frá KPMG í Finnlandi, Svíþjóð og Noregi teknar til greina. Fyrirliggjandi gögn voru að lokum aðlöguð starfsemi KPMG á Íslandi. Tvær vinnustofur voru haldnar með starfsfólki KPMG, sem valið var af handahófi, til að greina fjárhagslegt mikilvægi og áhrifamikilvægi, ásamt því að könnun var send út til alls starfsfólks. Svörun úr könnun var 35%. Ein vinnustofa var haldin með framkvæmdastjórn, þar sem meginþungi vinnunnar var á áhrifamikilvægi en einnig var fjallað um virðiskeðju og hagaðila til að undirbyggja hagaðilasamráð. Þörf er á dýpri greiningu á virðiskeðju.
Niðurstöður greiningarinnar sýna fram á að stjórnarhættir og félagslegir þættir vega þyngst, líkt og í mikilvægisgreiningu KPMG árið 2021, þótt ljóst sé að starfsemin geti einnig haft áhrif á sviði hagsældar og umhverfis. Eftirfarandi eru þeir mikilvægisþættir sem teljast mikilvægir í starfsemi KPMG út frá áhrifum, áhættum og tækifærum starfseminnar. Mikilvægisþáttum er ekki raðað í röð eftir mikilvægi:
Markmið KPMG á Íslandi er að veita fyrirtækjum, stofnunum og sveitarfélögum um allt land gæða þjónustu á breiðum grunni. KPMG veitir þúsundum aðila mikilvæga grunnþjónustu og ráðgjöf á sviði endurskoðunar og reikningsskila, rekstrarráðgjafar, skatta- og lögfræðilegra málefna. Þjónusta okkar er mikilvæg viðskiptavinum okkar til að stunda löglega, og sjálfbæra viðskiptahætti og til að ná árangri í sínu starfi. Stefna KPMG er að hafa jákvæð áhrif á samfélagið og við viljum vera fyrsta val viðskiptavina á markaðnum. Starfsstöðvar KPMG eru 14 talsins og dreifast um allt land.
Hjá KPMG er eitt af okkar meginmarkmiðum að vera fyrsti valkostur viðskiptavina. Til að ná því leggjum við áherslu á að skilja rekstrarumhverfi og þarfir bæði einkafyrirtækja og opinberra aðila á hverjum tíma. Í gegnum árin höfum við byggt upp sérhæfðan vettvang innan KPMG sem miðar að því að skapa djúpa þekkingu á lykilatvinnugreinum á Íslandi. Þessi vettvangur samanstendur af reynslumiklu starfsfólki sem hefur unnið með fjölbreyttum fyrirtækjum auk sérfræðinga í rekstri sem nýtist hverri atvinnugrein sem best.
Við höldum góðu samstarfi við KPMG á alþjóðlegum vettvangi, sérstaklega á Norðurlöndum, þar sem við deilum þekkingu á þróun og nýjustu straumum innan helstu atvinnugreina. Dæmi um svið þar sem við höfum lagt sérstaka áherslu á að byggja upp sérþekkingu eru sprota- og nýsköpunarfyrirtæki, sem og sveitarfélög.
Hjá KPMG leggjum við ríka áherslu á að miðla þekkingu okkar á mikilvægum þáttum í rekstri fyrirtækja. Á starfsárinu héldum við fjölda funda og viðburða þar sem ýmis viðfangsefni voru til umfjöllunar. Við viljum þakka þeim fjölmörgu sem mættu á viðburðina hjá okkur á árinu.
