Fjölmennt á Framtíðardegi KPMG
Framtíðardagur KPMG fór fram fimmtudaginn 9. október síðastliðinn. Ráðstefnan, sem haldin var í Grósku, laðaði að sér fjölbreyttan hóp gesta – viðskiptavini KPMG, samstarfsaðila og áhugasamra um þróun framtíðarinnar í atvinnulífinu. Salurinn var þéttsetinn og góð stemning meðal gesta.
Fjölbreytt dagskrá
Dagskráin var fjölbreytt og hófst á ávarpi Hlyns Sigurðssonar, framkvæmdastjóra KPMG sem bauð gesti velkomna. Í kjöfarið kom á svið Stefano Moritsch, einn helsti sérfræðingur KPMG í þrón heimsmála og alþjóða stjórnmála, með áhrifamikið erindi um þróun heimsmála og hvernig breytt landslag hefur áhrif á rekstur en felur á saman tíma í sér mikil tækifæri.
Eftir erindið þá kom Þórdís Kolbrún Reykfjörð Gylfadóttir alþingismaður og fyrrverandi utanríkisráðherra á svið og ræddi við Stefano um framtíð alþjóðamála, meðal annars á stöðu Íslands í því samhengi.
Í kjölfarið kynnti Helgi Rafn Helgason verkefnastjói hjá KPMG áhugaverðar niðurstöður viðhorfskannana sem KPMG hefur gert meðal alþjóðlegra sem og íslenskra stjórnenda. Niðurstöðurnar sýna að íslenskir stjórnendur eru almennt svartsýnni á rekstrarhorfur en stjórnendur erlendra stórfyrirtækja auk þess sem notkun gervigreindar í rekstri íslenkra fyrirtækja er skemur á veg komin heldur en erlendis.
Að því loknu fóru fram líflegar pallborðsumræður þar sem þau Bogi Nils Bogason, forstjóri Icelandair, Benedikt Gíslason, bankastjóri Arion banka og María Björk Einarsdóttir, forstjóri Símans, deildu innsýn sinni í framtíð rekstrar og hlutverk tækninnar í umbreytingu atvinnulífsins. Umræðurnar voru undir stjórn Svanbjörns Thoroddsen sviðsstjóra ráðgjafarsviðs KPMG og veittu þær gestum dýrmæt sjónarhorn á áskoranir og tækifæri næstu ára.
Tæknin og áhrif hennar á þróun fyrirtækja og stofnana voru einnig í brennidepli á Framtíðardeginum. Þau Gísli Ragnar Guðmundsson og Sylvía Viljhjálmsdóttir sérfræðingar hjá KPMG fjölluðu um það hvernig þróun í gervigreind er að breyta störfum okkar og með réttri notkun hennar verða þau mun verðmætari en áður.
Að lokum hélt dr. Michelle Thaller, fyrrverandi forstöðukona hjá NASA, innblásið lokaerindi þar sem hún fjallaði um framtíðina út frá sjónarhorni stjörnufræðinnar. Með einstökum hætti tengdi hún vísindi og heimsmynd við stefnumótun og framtíðarsýn.
Framtíðardagur KPMG var haldinn í fyrsta sinn í ár, á 50 ára afmæli KPMG á Íslandi, en stefnt er að því að dagurinn verður árlegur vettvangur fyrir nýjar hugmyndir, tengslamyndun og innsýn í nýjustu þróun í rekstri fyrirtækja.
Ráðstefnustjóri dagsins var Margrét Pétursdóttir, partner hjá KPMG á Íslandi. Við lok Framtíðardagsins var gestum boðið í léttar veitingar og fagna afmæli félagsins með starfsfólki.
Hafðu samband:
Myndir frá deginum
