Skip to main content

      Mikilvægustu drifkraftar og óvissuþættir

      Helstu niðurstöður skýrslunnar sýna að þróun ferðaþjónustunnar ræðst af samspili tveggja meginþátta sem skapa bæði tækifæri og óvissu:

      Samkeppnishæfni Íslands sem áfangastaðar

      Þ.e. hversu eftirsóknarvert Ísland er sem áfangastaður ferðamanna, meðal annars með tilliti til upplifunar, aðgengis, ímyndar og verðsamkeppnishæfni.

      Þolmörk lands og samfélags

      Þolmörk endurspegla hversu vel náttúra, innviðir og samfélag eru í stakk búin til að taka á móti ferðamönnum. Þessum óvissuþætti má þannig á vissan hátt líkja við afkastagetu Íslands sem ferðamannastaðar til lengri tíma.

      Hlaða niður

      Framtíð ferðaþjónustunnar á Íslandi árið 2030

      Hlaða niður

      Sviðsmyndir

      Þegar þessir tveir meginþættir eru skoðaðir saman myndast fjórar ólíkar sviðsmyndir sem draga upp mismunandi mynd af mögulegri þróun ferðaþjónustunnar. Sviðsmyndirnar hafa verið gefnar lýsandi heiti og varpa ljósi á ólíkar áherslur, áhættu og tækifæri fyrir greinina.

      landscape

      „Niceland“

      Innviðir samfélagsins eru vel í stakk búnir til að taka á móti og standa undir aukningu ferðamanna.

      front_hand

      „Ferðamenn – nei takk“

      Landið er vinsæll áfangastaður en hefur sprengt af sér veikar grunnstoðir.

      bar_chart

      „Laus herbergi“

      Nýjabrumið farið af Íslandi, ferðamönnum fer fækkandi og afkastageta er umfram eftirspurn.

      record_voice_over

      „Fram af bjargbrúninni“

      Orðspor fer versnandi, innviðir eru að hruni komnir eftir mikla ásókn ferðamanna.

      Með sviðsmyndavinnunni var ferðaþjónustan að gera sér grein fyrir því hvernig starfsumhverfi greinarinnar getur þróast á komandi árum og hvaða aðgerðir grípa þarf til af stjórnvöldum og hagsmunaaðilum í greininni til að tryggja ferðaþjónustuna sem styrka atvinnugrein til framtíðar. Sviðsmyndirnar setja í  samhengi orsakir og afleiðingar ákvarðana og aðgerða/aðgerðaleysis auk þess að greina helstu áhættuþætti sem geta staðið atvinnugreininni fyrir þrifum.

      Rétt er að taka fram að sviðsmyndir eru ekki framtíðarsýn, spá, stefna eða framreikningur. Þær eru öflug aðferð til að skilja umhverfið og skapa sameiginlegan skilning á því hvað rétt er að gera í dag til að undirbúa framtíðina.

      Í áhættugreiningunni kom fram að mikilvægasti áhættuþátturinn til framtíðar geti snúist um viðhorf heimamanna og hversu mikilvægt er að það verði ekki neikvætt.

      • Mannmergð á vinsælum viðkomustöðum
      • Lág gæðaviðmið ferðaþjónustuaðila
      • Skortur á hæfu starfsfólki
      • Náttúruspjöll og eyðing náttúrunnar

      Nánari upplýsingar veitir

      Sævar Kristinsson
      Sævar Kristinsson

      Verkefnastjóri á ráðgjafarsviði

      KPMG á Íslandi