Skip to main content

      Magnús G. Erlendsson er nýr sviðsstjóri ráðgjafarsviðs KPMG

      Magnús hóf störf hjá ráðgjafarsviði KPMG árið 2005 og varð hluthafi árið 2014. Hann hefur verið stjórnarformaður félagsins síðastliðin tvö ár og leitt fyrirtækjaráðgjöf KPMG. Hann hefur víðtæka reynslu af ráðgjöf til fyrirtækja, fjármálafyrirtækja og opinberra aðila, meðal annars á sviði fjármála, fyrirtækjaviðskipta,  endurskipulagningar og rekstrarumbóta.

      Magnús hefur verið í lykilhlutverki innan KPMG um langt árabil. Hann býr yfir víðtækri reynslu, þekkir starfsemina afar vel og er vel í stakk búinn til að leiða ráðgjafarsviðið áfram.

      Hlynur Sigurðsson

      Framkvæmdastjóri KPMG

      Magnús tekur við af Svanbirni Thoroddsen sem lætur af störfum hjá KPMG eftir 17 ára feril hjá félaginu. Svanbjörn hefur verið ráðinn framkvæmdastjóri viðskiptaþróunar hjá Íslenskri Fjárfestingu ehf. og hverfur því til nýrra verkefna.

      Ég vil þakka Svanbirni fyrir afar gott samstarf á síðastliðnum 17 árum og óska honum velfarnaðar í nýju starfi. Svanbjörn hefur verið öflugur leiðtogi og átt stóran þátt í uppbyggingu og þróun ráðgjafarsviðs KPMG. Ég hef lært mikið af samstarfi okkar og hlakka til að byggja áfram á þeim góða grunni sem hann skilur eftir sig.

      Magnús G. Erlendsson

      Sviðsstjóri ráðgjafarsviðs KPMG