KPMG og Advise hafa skrifað undir samstarfssamning sem gerir KPMG kleift að veita viðskiptavinum sínum betri þjónustu með Advise Business Monitor hugbúnaðarlausninni.
Advise, sem er íslensk hugbúnaðarlausn á sviði viðskiptagreindar, veitir litlum og meðalstórum fyrirtækjum rauntímaupplýsingar um rekstur sinn, auðveldar samskipti hagsmunaaðila og stuðlar að gagnadrifnum ákvörðunum. Lausnin innifelur m.a. lifandi rekstrargreiningar og mælaborð auk öflugrar aðgangsstýringar.
Í Advise eru forsniðnar tengingar við öll helstu bókhaldskerfi sem eru í notkun á Íslandi, svosem DK, Microsoft Business Central, Navision, Reglu, Uniconta og Payday. Flest fyrirtæki á Íslandi geta því með auðveldum hætti tengt fjárhagsbókhald sitt við Advise og stillt upp rekstrargreiningum og mælaborðum út frá sínum þörfum. KPMG sinnir margvíslegri þjónustu fyrir lítil og meðalstór fyrirtæki og því er Advise lausnin mikilvæg viðbót í þjónustuframboð félagsins. Stefnt er að því að fleiri bókhaldskerfi geti tengst lausninni þegar fram í sækir. Nánar um Advise.
Mælaborðið gefur stjórnendum myndræna yfirsýn yfir lykiltölur rekstrar í rauntíma og býður upp á fjölbreytta möguleika í uppsetningu sem auðvelt er að aðlaga að hverjum og einum.
PDF skýrsla með einum smelli sem hægt er að nýta til að senda rekstrarupplýsingar á stjórnir fyrirtækja eða aðra hagsmunaaðila. Skýrslan tekur saman rekstraryfirlit, áætlun, frávikagreiningu og mælaborð.
Advise er með forsniðnar tengingar við helstu bókhaldskerfi. Einfalt er að stilla upp yfirliti yfir rekstur, efnahag og sölu. Bókhaldslyklar, vörur og viðskiptamenn eru flokkaðir með einfaldri "drag & drop" virkni. Sjálfvirk uppfærsla tryggir að notendur eru alltaf með rauntímagögn.
Í rekstraryfirlitinu er hægt að sundurliða og greina upplýsingar. Kerfið birtir hreyfingalista og nánari upplýsingar með hverri færslu.
Hægt er að bæta við innsláttar- og reiknilínum til að stilla upp viðeigandi rekstrarhlutföllum og öðrum lykil mælikvörðum rekstrar.
Advise innifelur áætlanagerð og frávikagreiningu þar sem hægt er að bera saman rauntölur við fyrri ár og áætlun.
