Skip to main content

      KPMG og sveitarfélögin

      KPMG hefur um áratugaskeið verið leiðandi í þjónustu við sveitarfélögin í landinu, jafnt stór og smá,  m.a. á sviði rekstrar, reikningsskila, endurskoðunar, áætlanagerðar, stjórnsýslumála og svo mætti lengi telja. Við leggjum ríka áherslu á fjölbreytt þjónustuframboð og að þróa þjónustu okkar stöðugt í takt við þarfir sveitarfélaganna á hverjum tíma. Við leggjum metnað okkar í að veita framúrskarandi þjónustu til sveitarfélaga af öllum stærðum og gerðum, vítt og breytt um landið. 

      Í kjölfar sveitarstjórnarkosninga á fjögurra ára fresti höfum við boðið kjörnum fulltrúum upp á fræðslufundi um starfsumhverfi sveitarfélaganna almennt en sníðum fundina að aðstæðum í hverju sveitarfélaga í samræmi við óskir og þarfir á hverjum stað. Að loknum sveitarstjórnarkosningum bjóðum við kjörnum fulltrúum og eftir atvikum stjórnendum sveitarfélaga til slíkra fræðslufunda þar sem í boði er almenn umfjöllun um einstök málefni ásamt sértækari umfjöllun sem sniðin er að aðstæðum á hverjum stað. 

      Fyrir frekar upplýsingar um útfærslu og mögulegar tímasetningar fyrir hvert sveitarfélag bendum við fólki á að senda línu á Magnús Ólaf Kristjánsson.

       

      Magnús Kristjánsson
      Magnús Ólafur Kristjánsson

      Partner

      KPMG á Íslandi

      Okkar sérfræðiþekking sem nýtist þér

      Stjórnarhættir og skilvirkt stjórnskipulag eru stöðug áskorun í rekstri sveitarfélaga. KPMG hefur komið að stjórnarháttum og skipulagi margra opinberra aðila, en jafnframt stjórnarháttum stærri verkefna sem tengir saman marga ólíka aðila.  

      Við höfum á að skipa sérfræðingum í sveitarstjórnarrétti, stjórnsýslurétti og opinberri stjórnsýslu og höfum veitt sveitarfélögum aðstoð í fjölbreyttum verkefnum á því sviði, s.s. varðandi samþykktir og gjaldskrár, nefndaskipan, samstarfsverkefni sveitarfélaga og margt fleira.  Einnig höfum við aðstoðað sveitarfélög við innleiðingu nýrra laga um samræmda þjónustu í þágu farsældar barna.  

      Sérfræðingar KPMG veita alhliða rekstrarráðgjöf, s.s. hvað varðar sameiningar, stefnumótun, úttektir og greiningar. Ráðgjafar okkar hafa komið að fjölda sameiningarverkefna síðustu árin á öllum stigum þess ferlis og stuðlað þannig að farsælli samvinnu allra hagaðila. 

      Við höfum aðstoðað sveitarfélög við stefnumótun og markmiðasetningu í fjármálum þar sem skipulögðu verklagi er beitt við að móta sýn um framtíð í fjármálum sveitarfélaga til næstu ára. Markmiðið er að ná góðri yfirsýn og móta aðgerðaáætlun sveitarstjórnar sem unnt er að vinna bæði til lengri og skemmri tíma ásamt því að innleiða verklag sem styður við. 

      Kröfur til sveitarfélaga um aukna og skilvirkari þjónustu mun bara aukast á komandi árum og ætli sveitarfélög að halda í við þá þróun er mikilvægt að fjárfesta í nútímalegum tæknilausnum. Sérfræðingar okkar veita ráðgjöf og stuðning við sveitarfélög í innleiðingu nýrra lausna. 

      Þá hafa sérfræðingar KPMG þróað og innleitt stjórnendamælaborð hjá mörgum sveitarfélögum sem hjálpa stjórnendum að auka yfirsýn og bæta vinnulag. Slík mælaborð sækja fjárhagsupplýsingar í fjárhagsupplýsingakerfi sveitarfélaga og birta rauntímaupplýsingar í gagnvirku viðmóti.  

      Við veitum heildstæða þjónustu á sviði sjálfbærni og sjálfbærra fjármála. Teymi okkar er reynslumikið og hefur komið að mörgum áberandi verkefnum á sviði sjálfbærni á Íslandi undanfarin ár. 

      Við búum yfir ríkri þekkingu og reynslu á sviði umhverfis- og loftslagsmála, félagslegrar sjálfbærni, stjórnarhátta og hagsældar. Þá nýtur sjálfbærniteymi stuðnings reynslumikils hóps sérfræðinga innan KPMG á sviði endurskoðunar, lögfræði, skattamála, gagnagreininga o.fl. Að auki hefur teymið aðgang að neti sérfræðinga KPMG á heimsvísu. 

      Mikill fjöldi sveitarfélaga nýtir Ásinn - áætlanalíkan KPMG við árlega áætlanagerð sína og hafa sérfræðingar okkar verið stjórnendum sveitarfélaga til ráðgjafar við framsetningu og gerð áætlana um árabil. Okkar teymi hefur á að skipa reynslumiklum ráðgjöfum á sviði áætlanagerðar með góða þekkingu á reikningsskilum og fjármálum sveitarfélaga.  

      Skipulag endurskoðunar er unnið í nánu samstarfi við sveitarfélög þar sem komist er að sameiginlegri niðurstöðu um hvaða áhættu reksturinn stendur frammi fyrir. Slík áhættugreining er grundvöllur að skipulagi endurskoðunarvinnunnar. KPMG sinnir endurskoðun hjá miklum meirihluta íslenskra sveitarfélaga sem veitir okkur sérstöðu í þekkingu á rekstri, áskorunum og tækifærum sveitarfélaga á landinu.  

      Sérfræðingar KPMG búa sömuleiðis yfir mikilli þekkingu á reikningsskilareglum, bæði íslenskum og alþjóðlegum og leggja metnað í að vera í fremstu röð. KPMG hefur á að skipa sérhæfðu starfsfólki sem ætíð er reiðubúið að veita viðskiptavinum okkar og starfsfólki ráðgjöf við úrlausn flókinna viðfangsefna á sviði reikningsskila.