Flestir samningar um kaup og sölu fyrirtækja eru í dag gerðir með fyrirvara um áreiðanleikakönnun. Slík könnun veitir fjárfestum skýra mynd af rekstri, fjárhag og helstu áhættuþáttum fyrirtækis og tryggir að kaupendur og seljendur hafi sama upplýsingagrunn þegar gengið er til samninga.
Markmiðið er að draga fram atriði í rekstri og fjárhag sem skipta hagsmunaaðila máli – hvort sem um er að ræða kaupendur, seljendur, lánveitendur eða stjórnendur – og styðja þá við upplýsta ákvörðunartöku.
Áreiðanleikakannanir KPMG byggja á alþjóðlegri aðferðafræði en eru lagaðar að þörfum hvers verkefnis. Óháðir sérfræðingar framkvæma úttektir á grundvelli fyrirliggjandi gagna, opinberra upplýsinga og viðtala við stjórnendur og starfsmenn.
Algengast er að kaupendur láti framkvæma könnunina, en sífellt fleiri seljendur láta gera vendor due diligence áður en söluferli hefst. Slíkt eykur traust og stuðlar að markvissari tilboðsgerð. Einnig er boðið upp á vendor assistance, þar sem fyrirtæki fá stuðning við að safna og skipuleggja gögn fyrir áreiðanleikakannanir.
Niðurstöður eru settar fram í skýrslu þar sem lykiláhættuþættir eru dregnir fram ásamt vinnuskjölum sem auðvelda frekari greiningu. Umfang kannana ræðst af eðli verkefnis og þörfum verkkaupa.
KPMG, í samvinnu við KPMG Law, býður alhliða áreiðanleikakannanir á sviði fjárhags, skatta, lögfræði og tækni. Einnig er boðið upp á áreiðanleikakannanir í sjálfbærni með áherslu á UFS þætti og lögbundna upplýsingagjöf.
