Ágúst er framkvæmdastjóri og einn af eigendum KPMG Law. Hann hefur starfað hjá KPMG frá árinu 2006. Áður starfaði hann hjá ríkisskattstjóra. Ágúst hefur sérhæft sig í skattamálum tengdum viðskiptum yfir landamæri, milliverðlagningu, skattamálum tengdum samrunum og yfirtökum og erlenda fjárfestingu á Íslandi og frá Íslandi.
Helstu verkefni Ágústs hafa verið í íslenskum, evrópskum og alþjóðlegum skattamálum fyrirtækja. Þá hefur Ágúst unnið á sviði milliverðlagningar og skattaskipulagningar í mörg ár bæði fyrir innlend og erlend félög og fjárfesta.
Meðal viðskiptavina hans eru mörg af skráðum félögum á Íslandi auk fjölþjóðlegra samstæða, fjármálafyrirtæki, fjárfestingafélög, fjárhagsleg félög og eignarhaldsfélög sem stunda fjárfestingar.