Fjárhagsáætlun sveitarfélags er stjórntæki

Meginhlutverk sveitarfélaga er að veita íbúum fjölbreytta og öfluga grunnþjónustu. Kröfur um gæði og umfang þeirrar þjónustu fara sífellt vaxandi og því er mikilvægt að hún sé veitt með hagkvæmum og skilvirkum hætti, í samræmi við gæðakröfur.

Flestar ákvarðanir sem teknar eru á vettvangi sveitarstjórna hafa áhrif á fjármál og rekstur með einum eða öðrum hætti. Skýr stefna í fjármálum og markviss áætlanagerð skapa mikilvægan grunn að ákvörðunum sem sveitarstjórnir taka og snúa jafnan að forgangsröðun í rekstri og fjárfestingum. Fjárhagsáætlun er því eitt allra mikilvægasta stjórntæki sveitarfélaga og mikil tækifæri fólgin í að nýta hana markvisst til að taka betri ákvarðanir.

Áætlanagerð er kjarninn í rekstri sveitarfélaga

Á næstu vikum hefst ein mikilvægasta vinna ársins hjá stjórnendum sveitarfélaga og kjörnum fulltrúum, við að móta og leggja fram fjárhagsáætlun fyrir næsta rekstrarár.

Það kann að vera freistandi að líta á áætlanagerðina sem tæknilegt verkefni til að uppfylla lagalegar skyldur. Safna saman tölum úr ýmsum áttum, fylla út töflur og klára ferlið. Ólíklegt er að slík nálgun leiði til markvissra og vel ígrundaðra ákvarðana.

Vandað fjárhagsáætlunarferli felur í sér ákvarðanir um ráðstöfun fjármuna í tilgreind verkefni og er þannig mikilvægt verkfæri til að greina rekstur og þjónustu við íbúa, draga fram valkosti, forgangsraða verkefnum og taka upplýstar ákvarðanir.

Tímafrekt og flókið ferli

Vinna við áætlanagerð er tímafrek og stundum brotakennd. Gögn eru gjarnan dreifð, rekstur fjölbreyttur og flókinn, ferli óskýr og skortur á innbyrðis samræmi. Við þær aðstæður getur vinnan orðið bæði erfið og tímafrek og hætt við að niðurstaðan verði áætlun sem nýtist ekki nægilega vel sem stjórntæki í rekstri.

Án skýrra fjárhagslegra markmiða er einnig hætta á að ákvarðanir verði viðbragðsdrifnar fremur en byggðar á skýrri stefnumótun til lengri tíma. Auknar kröfur um gagnsæi, ábyrgð og skýra forgangsröðun í starfseminni, kalla á markvissa áætlanagerð sem nýtist sem stjórntæki í rekstri.

Um árabil hefur KPMG unnið að fjölbreyttum verkefnum með sveitarfélögum og öðlast mikilvæga innsýn í það hvað skapar mest virði í áætlanagerð. Reynslan sýnir að þegar samræmdar upplýsingar, skilvirk ferli, þekking og innsæi koma saman, þá verður áætlanagerðin einfaldari og markvissari. Styrkurinn liggur í breiddinni þar sem sérfræðingar KPMG vinna saman þvert á svið og tengja fjölbreytta þekkingu í eina heild í samstarfi við stjórnendur og kjörna fulltrúa.

Ásinn – Ný nálgun, aukin yfirsýn og skilvirkni

Ásinn frá KPMG er ein af afurðum þessarar nálgunar þar sem þekking og reynsla úr ólíkum áttum koma saman í lausn sem styður stjórnendur við að mæta áskorunum í áætlanagerð.

Ásinn er ný lausn sem sameinar sjálfvirka gagnasöfnun, samskipti og samanburð við rauntímaupplýsingar. Með nýju verklagi má draga úr handavinnu, auka öryggi upplýsinga og bæta ákvarðanatöku. Þannig skapast traustari grunnur fyrir skýra stefnumótun í fjármálum, betri áætlanir og markvissari rekstur.

Ásinn er ný kynslóð lausnar til vinnslu fjárhagsáætlana sveitarfélaga, sérhönnuð með þarfir þeirra í fyrirrúmi. Lausnin byggir á áralöngu samstarfi KPMG við sveitarfélög og þekkingu á þörfum þeirra og áskorunum. Markmiðið er skýrt, það er að einfalda ferli við áætlanagerð, auka skilvirkni og bæta yfirsýn.

Lausnin er einföld í notkun og sett fram í þægilegu vefviðmóti. Hún sækir fjárhagsgögn með sjálfvirkum hætti úr öðrum kerfum sem dregur úr handavinnu, eykur öryggi og minnkar líkur á skekkjum.

Ásinn sameinar þannig gagnasöfnun, rauntímayfirsýn og samskipti í einu heildstæðu umhverfi. Það tryggir að allir sem koma að áætlanagerðinni vinna út frá sömu forsendum og hafa sömu mynd af rekstrinum.

Tæknin styður ferlið en mannlega innsæið ræður

Samspil gagna, greininga, þekkingar og reynslu gerir stjórnendum kleift að rýna forsendur, meta sviðsmyndir og taka ákvarðanir sem standast síbreytilegt umhverfi. Sérfræðingar KPMG aðstoða stjórnendur eftir þörfum við að rýna forsendur, niðurstöður og þróun með greiningum og sviðsmyndum.

Breyttir tímar kalla á nýjar lausnir

Ásinn er hluti af stefnu KPMG um hagnýtingu á tækni og þróun lausna sem styðja við stjórnendur, hvort sem þeir starfa hjá fyrirtækjum, sveitarfélögum eða öðrum opinberum aðilum. Markmiðið er að umbreyta þekkingu og upplýsingum í virði, gera gögn aðgengilegri og styðja við markvissar og gagnadrifnar ákvarðanir í síbreytilegu umhverfi.

Nú er rétti tíminn til að endurhugsa áætlanagerð

Til að ná árangri í fjármálum og rekstri er mikilvægt að byggja áætlanir á skýrri stefnu og skilgreindum fjárhagslegum markmiðum. Fjárhagsáætlun sem byggir á slíkum grunni nýtist sem öflugt stjórntæki í rekstri, stuðlar að góðri þjónustu við íbúa til lengri tíma og skapar tækifæri til fjárfestinga og uppbyggingar.

Nú þegar vinna við gerð fjárhagsáætlana fyrir næsta rekstrarár er að hefjast, er því ástæða til að staldra við og spyrja:

Hjálpar áætlanagerðin stjórnendum að taka betri ákvarðanir?

Ef svarið er ekki skýrt, liggur tækifærið í því að setja skýra stefnu og markmið í fjármálum ásamt því að bæta verklag og auka skilvirkni við áætlanagerð.