Hjá KPMG starfa sérfræðingar sem geta aðstoðað þig við að takast á við áskoranir tengdar umhverfis- og samfélagsþáttum og stjórnarháttum (ESG). KPMG er í samstarfi við Ábyrgar lausnir ehf. sem hefur áralanga reynslu af ráðgjöf í sjálfbærni og samfélagslegri ábyrgð fyrirtækja. Í gegnum KPMG hefur þú svo aðgang að alþjóðlegri sérfræðiþekkingu á sviði sjálfbærni.  

Þjónustuframboð okkar nær yfir staðfestingarvinnu á breiðu sviði upplýsingagjafar þar með talið frammistöðu í umhverfis- og samfélagsþáttum, útblæstri á gróðurhúsalofttegundum og kolefnisspori fyrirtækisins. Sérfræðingar KPMG veita einnig margvíslega ráðgjöf í útfærslu á markmiðum tengdum sjálfbærni eins og stefnumótun, gerð sjálfbærniskýrsla, áhættugreiningu og greiningu á lykilþáttum í sjálfbærni í kjarnastarfsemi fyrirtækisins.  

Hægt er að fylgjast með nýjustu upplýsingum og þróunum á sjálfbærnisviðinu með því að skrá sig á heimasíðu KPMG Global Sustainability Institute. Sem áskrifandi að vefsíðunni færð þú boð um regluleg vefnámskeið og verður fyrst/ur til að fá upplýsingar um ný greinaskrif og rannsóknir okkar í málaflokknum.   

Hvernig getum við aðstoðað? 

• Ófjárhagslegar upplýsingar 
• Sjálfbærniskýrsla 
• Ábyrgar fjárfestingar 
• Græn skuldabréf 
• Stefnumótun 
• Staðfesting á upplýsingagjöf