1 mín. lestur
Við erum stolt af því að kynna aukinn stuðning fyrir verðandi og nýbakaða foreldra hjá KPMG. Við viljum styðja vel við starfsfólk okkar á þessum mikilvæga tíma í þeirra lífi og gera því auðveldara fyrir að samræma vinnu og einkalíf. Þessar breytingar eru í takt við okkar áherslur á að vera framúrskarandi og aðlaðandi vinnustaður fyrir fjölskyldufólk og taka gildi frá 1. janúar 2025.
Hinn aukni stuðningur felst í eftirfarandi:
- Launað leyfi í lok meðgöngu
Barnshafandi geta tekið sérstaklega umsamið frí ef viðkomandi þarf að hætta að vinna skv. læknisráði upp að 4 vikum fyrir settan dag, án þess að ganga á veikindaréttinn sinn. - Orlofssöfnun í fæðingarorlofi
Starfsfólk safnar launuðu orlofi á meðan það er í fæðingarorlofi, hlutfallslega í takt við töku fæðingarorlofs. - Möguleiki á tímabundnu hlutastarfi
Starfsfólk getur óskað þess að koma tilbaka tímabundið í hlutastarfi, hugsað sem aðlögun eftir langtíma fæðingarorlof. - Fæðingarorlofsstyrkur
Starfsfólk sem tekur 4 vikur eða meira af fæðingarorlofi getur fengið 200.000kr fæðingarorlofsstyrk.
