Sterkari grunnur

Við bjóðum upp á ráðgjöf varðandi mat, færslu og upplýsingagjöf í reikningsskilum í samræmi við gildandi lög og reglur, svo sem í tengslum við mat fasteigna á gangvirði, virðisrýrnun leigueigna, færslu leigusamninga, kaup á fyrirtækjum eða fasteignum og úthlutun kaupverðs o.fl.

Viðskiptavinum gefst kostur á að fá líkön sem leysa með einföldum og skilvirkum hætti helstu áskoranir leigutaka vegna útreikninga eigna, skulda, afskrifta og vaxtagjalda í samræmi við reglur alþjóðlegs reikningsskilastaðals IFRS 16 Leigusamningar.

Reikningsskilasérfræðingar KPMG á Íslandi hafa greiðan aðgang að reikningsskilasérfræðingum annarra KPMG félaga á Norðurlöndum sem og annars staðar í heiminum og geta fengið skoðun þeirra á reikningshaldslegum álitamálum með skjótum hætti ef og þegar þess gerist þörf.

Rekstrarráðgjöf KPMG vinnur með stjórnendum að því að finna lausnir á flóknum vandamálum sem upp geta komið í rekstri fyrirtækja með það að markmiði að auka virði þeirra.

Stefnumótun og ákvörðunartaka

Meðal verkefna sem KPMG hefur komið að fyrir fasteignafélög má nefna ráðgjöf við heildræna stefnumótun sem og uppsetningu stjórnendamælaborðs, þar sem gögnum er um breytt í sjónrænar upplýsingar sem hjálpa til við upplýsta ákvörðunartöku, allt frá stefnumótun til beinna samskipta við viðskiptavini.

Samsetning eignasafna

KPMG býður upp á ráðgjöf varðandi áherslur í samsetningu eignasafna, s.s. hvað varðar tegund og staðsetningu eigna sem og tegund leigutaka.

Staðarval

Margvíslegir þættir skipta máli við greiningu og val á staðsetningu fyrirtækis eða stofnunar. Má þar nefna skipulagsmál, byggingakostnað, leiguverð, samgöngumál, tegund starfsemi og umhverfisþætti ásamt búsetu starfsmanna og staðsetningu viðskiptavina, dreifingu notenda og tengdra aðila. KPMG býður upp á ráðgjöf við staðarval sem og samningagerð að staðarvali loknu. KPMG hefur komið að staðarvali fyrirtækja og stofnana með alls um 7.000 starfsmenn og nemendur.

Húsnæðisáætlanir sveitarfélaga

KPMG hefur aðstoðað fjölmörg sveitarfélög við að útbúa húsnæðisáætlanir skv. reglugerð um húsnæðisáætlanir sveitarfélaga.  

Fjármálaráðgjöf KPMG leggur áherslu á að auka virði fyrir viðskiptavini á öllum stigum fjárfestingaferlisins.

Verðmat fasteigna og byggingarlóða

KPMG býður upp á verðmatsþjónustu og arðsemismat á sviði fasteigna og fasteignaþróunarverkefna. KPMG hefur komið að verðmatsvinnu og yfirferð verðmats fyrir mörg af stærstu fasteignafélögum landsins.

Kaup og sala fasteignasafna/fasteignafélaga

KPMG veitir aðstoð við kaup, sölu og yfirtökur fyrirtækja og fasteigna sem og aðstoð við fjármögnun og fjármagnsskipan verkefna. KPMG hefur verið ráðgjafi kaupanda eða seljanda í fjölda fasteignaviðskipta með söfn leigueigna.

Áreiðanleikakannanir fasteignafélaga

Í dag eru flestir samningar um kaup og sölu fyrirtækja gerðir með fyrirvara um framkvæmd áreiðanleikakönnunar. Með áreiðanleikakönnun eykur fjárfestir skilning sinn á rekstri félags, fjárhagsstöðu þess og helstu áhættuþáttum í rekstrinum. KPMG býður upp á framkvæmd fjárhagslegra, skattalegra og lögfræðilegra áreiðanleikakannana bæði fyrir kaupendur og seljendur. KPMG hefur unnið áreiðanleikakannanir fyrir mörg af stærstu fasteignafélögum landsins.

KPMG Law ehf. getur veitt fasteignafélögum margskonar þjónustu. Smelltu hér til að fara á vef KPMG Law. 

• Ráðgjöf og aðstoð við stefnumótun á sviði skatta og sjálfbærni sem og ýmiss annarra atriða er varða áhrif félaganna á samfélag sitt, s.s. útreikningar á Skattaspori og Samfélagsspori.

• Sértækar skráningar á virðisaukaskattsskrá, s.s. frjáls og sérstök skráning fyrir byggingu og útleigu fasteigna sem almennt eru undanþegnar skattskyldusviði virðisaukaskatts.

• Aðstoð og ráðgjöf vegna leiðréttingarskyldu virðisaukaskatts vegna aðfanga er tengjast byggingu, endurbótum og viðhaldi fasteigna sem eru innsköttuð.

• Sérhæfð aðstoð við yfirferð skattútreikninga og gerð skattframtala.

• Ráðgjöf og aðstoð við skjalagerð vegna stofnunar fyrirtækja.

• Framkvæmd skattalegra og lögfræðilegra áreiðanleikakannana við kaup og sölu félaga.

• Kærur til stjórnvalda.

• Beiðnir um bindandi álit í skattamálum.

• Ráðgjöf og aðstoð við almenna samningagerð s.s.:
  • Gerð leigusamninga um fasteignir.
  • Gerð kaupsamninga um fasteignir.

• Ráðgjöf og aðstoð í tengslum við aðgerðir gegn peningaþvætti.

• Ýmiskonar aðstoð í tengslum við félagauppbyggingu o.fl. t.a.m.:
  
  • Samrunar félaga.
    
  • Skiptingar – færsla ákveðinna fasteigna eða fasteignahluta milli félaga innan samstæðunnar.
    
  • Stofnun félaga.
    
  • Slit félaga.
    
  • Gerð kaup- og sölusamninga.
    
  • Hækkun og lækkun hlutafjár.
    
  • Útgreiðsla arðs.

Hafðu samband 

KPMG býður fjölbreytta þjónustu varðandi áhættustjórnun. Við aðstoðum við skipulag áhættustýringar, mat, flokkun og skráningu á áhættu auk þess að meta hvernig best er að takast á við áhættuna. KPMG annast jafnframt innri endurskoðun fyrir fyrirtæki sem vilja úthýsa að hluta eða öllu leyti innri endurskoðun.

Staðfestingarvinna tengd lánsfjármögnun

Sérfræðingar KPMG yfirfara forsendur og útreikninga við veðsetningu í upphafi og við síðari breytingar á lánum eða undirliggjandi veðum og staðfesta að kvaðir séu uppfylltar. 

Sjálfbærniteymið okkar getur aðstoðað þig heildstætt með alla lykilþætti sjálfbærnivegferðarinnar, hvort sem þitt félag er á byrjunarreit eða lengra komið. Við skiljum að félög geta verið staðsett á mismunandi stöðum í ferlinu og því aðstoðum við þitt félag að staðsetja sig innan ferlisins og veita aðstoð með afmarkaða þætti eftir þörfum. 

Smelltu hér fyrir nánari upplýsingar.