Rut Gunnarsdóttir
Verkefnastjóri
KPMG á Íslandi
Rut hóf störf hjá KPMG árið 2023 á ráðgjafarsviði. Áður starfaði hún í 13 ár hjá Íslandsbanka og stýrði þar regluvörslusviði bankans í 8 ár og lágu helstu verkefnin á sviði verðbréfamarkaðar, peningaþvættisvarna og hlítingaráhættu. Þar áður starfaði hún hjá Fjármálaeftirlitinu frá 2002-2010 við eftirlit með fjármálafyrirtækjum, kauphallarfélögum, lífeyrissjóðum og vátryggingafélögum.
Rut hefur lagt áherslu á starfsemi og stjórnarhætti fjármálafyrirtækja og skráðra félaga í störfum sínum. Hefur hún bæði starfað við opinbert eftirlit með fjármálafyrirtækjum og verðbréfamarkaðnum, sem og innra eftirlit hjá banka og útgefanda skráðra fjármálagerninga.
Auk eftirlitsstarfa hefur Rut mikla reynslu af ráðgjöf til fjármálafyrirtækja og útgefanda og haldið fjölda námskeiða fyrir starfsfólk, stjórnendur og stjórnarmenn slíka fyrirtækja sem og sinnt kennslu fyrir nemendur á háskólastigi á sviði verðbréfamarkaðsréttar og Evrópuréttar. Hefur hún leitt innleiðingar á nýrri löggjöf á sviði fjármálafyrirtækja, verðbréfamarkaðar og peningaþvættisvarna.
Rut hefur unnið í ráðgjafar- og úttektarverkefnum hjá KPMG með áherslu á fjármálamarkað.